去左日本好多次，都冇機會睇到吞拿魚解體表演 ，今日竟然係香港睇到~~
聴聞佢地集團都係第一次攪，好慶幸可以參與。
師傅用日文解釋，經理用廣東話翻譯。師傅原來係壽司廣集團既老闆兼總廚，老闆親身上陣，可見呢個活動佢地幾重視。
今日條吞拿魚有大約54KG，一個人真係拎唔起喎。介紹話原來吞拿魚有7,8個品種，今次用黑吞拿魚，算係較高級的一種。
切完個頭，師傅會慢慢解釋，有個叫"腦天" 既部位，近頭頂，只可切出2小舊咋。
另外仲有面珠位，又係勁珍貴
切開左個身，肉色好靚，粉粉的。
師傅指出大TORO，中TORO，同赤身既位置。
我至愛既吞拿魚腩蓉原來咁樣挖出黎
平時既壽司吧枱位，搖身一變變左自助餐位，放滿不同既食物
吞拿魚沙律
因為掛住睇表演同不停食，所以唔係影左好多食物，當中唔少得即切新鮮吞拿魚刺身，其實仲有幾款炸物，湯，壽司，刺身，沙律，迷你漢堡扒，甜品有2款蛋糕，中途又每枱派頭先挖出黎既吞拿魚蓉做既手卷，最後仲可以點烏冬或SOBA。
除左食得飽飽，仲長智識既一晚，十分滿意!
希望佢地攪多D 不同活動啦~
