響 - Hibiki 日本燒肉 (已結業)

想以燒肉做主打，可以唔洗試😏試過牛角嘅澳洲和牛放題，見呢間有做折，亦都係澳洲和牛，就諗住試吓。試之前問過好多朋友有冇食過呢兩間，想比較下佢哋嘅牛，但冇朋友試過。咁唯有自己試😂一入座，先有一盤燒肉、一隻龍蝦，一盤刺身。先講一講燒肉，幾款牛只有牛胸腹比較有牛肉味同香味，其他就好似普通牛肉咁，冇油香味。豬肉更加不值一提，腩片嘅脂肪比例極高有四比一。反而個腸有encore，牛肉只係encore牛空腹，其他唔想再食。蝦肉「梅」，青口難食，鯖魚唔新鮮龍蝦幾鮮甜，略嫌少肉偏瘦。刺身新鮮，海膽鮮甜肥美，味道都係普通放題級數，不過不失食咗咁多款嘢食，你問返我邊隻最好食，係movenpick 雪糕，其他全部都係食一次就冇再encore。佢嘅Menu就好似高不成低不就，想做燒肉又唔出色，普通日式放題又唔係。店員禮貌一般，我哋落完單勁奈，竟然一碟都冇，浪費左20分鐘齋等，所以有張相係完全冇食物，因為食晒第一轉自動送上嘅食物。見到其他枱，乜都嗌😳 食淨勁多野。想奉勸各位唔好浪費食物，唔好浪費自己個胃。😟總結，想食燒肉放題呢間唔好諗，我亦都唔會再嚟，直情back list🙁