沙嗲王 (已結業)

沙嗲王果然名不虛傳！沙嗲真係好好食！兩年幾前食過第一次之後就愛上左，之後仲成為左我同朋友出街推介食肆之一！首推沙嗲牛肉粉絲，勁濃勁香，真係未食落口已經聞到勁香沙嗲味！牛肉係肥牛，僅熟，正！粉絲完全索哂沙嗲汁，啖啖都食到濃烈沙嗲味！其他例如白咖哩豬扒飯，脆蝦棒＆簿餅都值得一試！午市凡惠顧任何粉面飯送＄１３蚊野飲，多過１３蚊都係補差價！賣單大約４０蚊一個，好不錯！晚市都唔會貴，叫ｄ小食叫個粉面飯餐，請埋女朋友食都係１００，算係咁ｌａ！坐埋卡位或船仔二人位，拍拖ｏｒ溝女必到！我食過ｃｗｂ，ｍｋ＆荃灣店，三間服務都唔錯！不過有時就算你禁左制可能都要等好耐先有人來。