一風堂 (新港中心) (已結業)

因名氣吸引,一放工即刻趕去嚐試,下午5點幾到,都要等20分鐘,的確犀利!!門口個招牌,真係有氣勢,令前來潮聖的人,更為踴躍...勁!店內裝飾都極為別緻,燈光柔和,幾適合情侶,有一幅湯碗牆又有一幅漫畫牆介紹一風堂參加拉麵比賽的漫畫故事先試了叉燒角包,味道好似中式梅菜扣肉飽,幾得意跟著試餃子,皮薄有肉汁,再加上蔥花和薑蓉一齊食,味道好相配,超正終於主角出場....(白丸),(赤丸)各試一碗,味道相比之下,味道濃郁的(赤丸)勝出!湯麵配料可另加,溫泉雞蛋非常流心,好正架!!