更多
2018-02-10
606 瀏覽
雲耳椰菜肉餃 拼 韮菜肉餃 ($42) 10隻有時與其話係想食餃子，不如話係心思思想試個遠近馳名既湯底，係咪已經走火入魔？一時輕敵叫左10隻，點知有半個手掌咁大，大肥佬都質得飽。外皮煙韌、內餡新鮮飽滿。 雲耳椰菜肉餃比較清淡，可以不吃；一反常態冇落重味既韮菜肉餃反而好有驚喜，咬開見到豬肉輕微染上韮菜汁既翠綠，菜肉鮮味交融。湯餃配野葛菜煲生魚豬骨湯，聽個名都知有幾足料鮮甜，簡單講句就係媽媽煲既湯，冇味精冇加水溝淡，難怪佢串到單獨賣$30碗都有人買。 值得一讚台面任食既菜莆，神秘地係XO醬味，縱然有極多油浸住又好飽，但都忍唔住食左2碟。自製豆漿 ($9)豆味濃郁唔太甜，但配10隻餃子太飽喇，正常食量建議叫7隻就夠。晚上8點幾，鋪頭細細依然要排一陣隊先入得，想試既白菜餃賣哂喇，下次擇日再戰。
雲耳椰菜肉餃 拼 韮菜肉餃
$42
32 瀏覽
0 讚好
0 留言
雲耳椰菜肉餃 拼 韮菜肉餃
$42
17 瀏覽
0 讚好
0 留言
有時與其話係想食餃子，不如話係心思思想試個遠近馳名既湯底，係咪已經走火入魔？一時輕敵叫左10隻，點知有半個手掌咁大，大肥佬都質得飽。外皮煙韌、內餡新鮮飽滿。 雲耳椰菜肉餃比較清淡，可以不吃；一反常態冇落重味既韮菜肉餃反而好有驚喜，咬開見到豬肉輕微染上韮菜汁既翠綠，菜肉鮮味交融。
湯餃配野葛菜煲生魚豬骨湯，聽個名都知有幾足料鮮甜，簡單講句就係媽媽煲既湯，冇味精冇加水溝淡，難怪佢串到單獨賣$30碗都有人買。 值得一讚台面任食既菜莆，神秘地係XO醬味，縱然有極多油浸住又好飽，但都忍唔住食左2碟。
自製豆漿 ($9)
豆味濃郁唔太甜，但配10隻餃子太飽喇，正常食量建議叫7隻就夠。
晚上8點幾，鋪頭細細依然要排一陣隊先入得，想試既白菜餃賣哂喇，下次擇日再戰。
張貼
