影片
更多
2020-02-13
734 瀏覽
平時落觀塘都係去apm, 今次試下入工廠區淘下寶! 餐廳不算難搵，我係牛頭角地鐵站出，經過創紀之城入工廠區，一直直行就到。一入到餐廳，見到個bar枱，左面有棵大樹，仲以為自己去錯地方。而餐廳統一用藍色餐具，幾有特色。我地叫左兩個主菜，加一個小食。三件炸蝦餅 - 一碟六件。一咬，熱辣辣，啖啖蝦肉，蝦餅好實，好真材實料。呢碟經典泰菜，真心值滿分! 黃咖喱 (牛) - 好大碟，好足料，啱晒好牛既我。牛腩幾入味! 黃咖喱辣度啱啱好，有少少椰香。我地特登另加個白飯，用咖喱黎撈飯😋😋😋泰式炒河 (豬) - 好夠鑊氣!! D河粉炒得幾可口，唔會好油，唔會癡埋一舊舊，亦無斷粉出現。而豬肉亦好大塊，好多片，唔錯。唔錯。驚喜既一餐。無論係環境，食物質素，職員服務都高質，性價比十分高!!!
一入到餐廳，見到個bar枱，左面有棵大樹，仲以為自己去錯地方。而餐廳統一用藍色餐具，幾有特色。
我地叫左兩個主菜，加一個小食。
三件炸蝦餅 - 一碟六件。一咬，熱辣辣，啖啖蝦肉，蝦餅好實，好真材實料。呢碟經典泰菜，真心值滿分!
黃咖喱 (牛) - 好大碟，好足料，啱晒好牛既我。牛腩幾入味! 黃咖喱辣度啱啱好，有少少椰香。我地特登另加個白飯，用咖喱黎撈飯😋😋😋
泰式炒河 (豬) - 好夠鑊氣!! D河粉炒得幾可口，唔會好油，唔會癡埋一舊舊，亦無斷粉出現。而豬肉亦好大塊，好多片，唔錯。唔錯。
驚喜既一餐。無論係環境，食物質素，職員服務都高質，性價比十分高!!!
張貼
