拉麵來 (已結業)

這間拉麵出名左好耐，之前都想試下架啦，今日就同友人去食。餐廳的衛生情況做得幾好，除左量體溫外，仲借主動俾消毒酒精。小編點的蟹肉味噌豚骨湯拉麵湯底充滿蟹的鮮味，反而豚骨味道唔係好濃，叉燒同蟹膏的味道都好濃烈。至於友人點的山葵蟹肉拌麵係餐廳新出的，特登用左粗麵容易啲索汁，加埋青檸，食落非常fresh ，亦都好醒胃。小食的免治雞軟骨串都做得唔錯，咬落好爽;而甜品柚子雪葩清涼可口，又唔甜，作為收結就岩岩好。