金田家 (已結業)

週末入元朗行街睇戲，咁啱見到盡頭有間人頭湧湧、排曬長龍嘅拉麵店，Openrice一下發現係近排榮居榜首嘅金田家！咁巧合當然要一試🤤特別推薦飲品：梅乃宿果酒(白桃)果酒桃味香濃，啖啖果肉，酒精味道不重，清新香醇又易入口，值得一試。柚子辛口拉麵+溏心蛋食拉麵頭一啖當然係湯底先，濃郁嘅豬骨湯底加上清新嘅柚子味同一絲微辣，口感富層次。黑松露拉麵+溏心蛋呢隻豬骨湯底本身味道偏淡，但每啖伴入少量黑松露後湯底明顯充滿黑松露嘅鹹香，加上爽口嘅木耳絲，口感昇華不少。男爵薯餅薯餅外層香脆可口，裏面嘅薯蓉非常幼滑，入口即溶。紫薯餅炸粉唔厚，裏面嘅紫薯蓉亦都非常幼滑，但混入粒粒栗子，別具心思。