Courage Eighteen (已結業)

當我知道呢間隱世的高質良心咖啡店將於月底要結業，我真係嚇咗一跳😳 第一個反應及留言係，「吓？！我仲未去食全日早餐呀！」好彩當時店家回覆我9月仲有2日供應食物咋！所以，我9月最後嘅星期六特登去食份全日早餐配靈魂奶啡💛🥘 Courage All Day Breakfast (HK$115)．有朋友曾經同我推介呢度嘅全日午餐係好好食，幸好我終於食咗一份啦✌🏼真係不是浪得虛明，真係好豐富、好好食，值得等20分鐘㗎👍🏼．第一眼最吸引定係2片裸麥吐司，放在一齊呈現心形形狀💛，烘得脆口，上面塗上蜜糖，好味😋．火炙芝士蕃茄，出面少見，蕃茄輕輕烤熟的，多肉多汁，上面仲有片火炙芝士，好正！．厚切煙肉，半肥瘦、層次分明、不太油膩，我比較鍾意食厚切多過長條薄脆煙肉· 松露炒蛋，炒蛋加入牛奶和芝士，剛熟的軟滑口感，滿蛋香和芝士味，松露醬似乎只係係裝飾品😂．薯餅，脆口不油膩，薯味十足！．挪威煙三文魚有2大片，田園蔬菜都幾新鮮爽脆 ☕️ Latte (HK$35)．仍然係靚靚的多心拉花．幼細奶泡，順滑口感，味道均勻，可能係作出了一些神奇的化學作用，呢度嘅奶啡特別好飲💛📌提提你：．2023.10.28係咖啡店的最後一天