更多
2021-08-10
2867 瀏覽
JK Brother本身我哋都已經嚟過一次，第一次俾我哋感覺唔錯，又有海鮮又有小食仲有牛肉都約抵食，所以今次都即興再嚟食多次，不過第二次俾我哋嘅感覺就唔係咁好啦😔今次我地book咗5點，我哋大約四點十左右到，一出lift，等lift嘅位置非常細，所有人都迫埋同一個空間入面，根本都出唔到lift，我哋多口問句點解唔入得去嘅，其他人同番我地講侍應同佢哋講未夠鐘唔入得去，現場嘅人都開始有少少鼓燥，畢竟疫情底下要大家身貼身等位，的確有啲唔係咁好。最後其他人同返侍應講我哋出邊嘅情況，最終都俾我哋餐廳入面等入位（等夠5點比我地入去）。未入未入去食，俾我哋感覺已經唔係咁好啦🥺至於牛肉方面，我哋今次嗌左 【美國Prime牛板腱 $248 （7點前離座價錢）】，肉質唔算嫩滑，有少少乾身，我哋望到隔離枱另一款【美國穀飼肥牛 $218 （7點前離座價錢）】 ，牛肉嘅脂肪嘅佔比例都幾高，應該有7:3左右，不過我哋都唔太好牛肉嘅脂肪，所以都好彩冇揀到呢款🥶牛肉頭兩盤都唔錯，但去到後面refill質素開始下降，可能因為廚房解唔切凍，嚟到都仲係硬梆梆成舊牛肉，碌熟咗之後都有浸雪藏味🥶至於海鮮方面，呢次嘅海鮮直頭令我
今次我地book咗5點，我哋大約四點十左右到，一出lift，等lift嘅位置非常細，所有人都迫埋同一個空間入面，根本都出唔到lift，我哋多口問句點解唔入得去嘅，其他人同番我地講侍應同佢哋講未夠鐘唔入得去，現場嘅人都開始有少少鼓燥，畢竟疫情底下要大家身貼身等位，的確有啲唔係咁好。最後其他人同返侍應講我哋出邊嘅情況，最終都俾我哋餐廳入面等入位（等夠5點比我地入去）。未入未入去食，俾我哋感覺已經唔係咁好啦🥺
至於牛肉方面，我哋今次嗌左 【美國Prime牛板腱 $248 （7點前離座價錢）】，肉質唔算嫩滑，有少少乾身，我哋望到隔離枱另一款【美國穀飼肥牛 $218 （7點前離座價錢）】 ，牛肉嘅脂肪嘅佔比例都幾高，應該有7:3左右，不過我哋都唔太好牛肉嘅脂肪，所以都好彩冇揀到呢款🥶
牛肉頭兩盤都唔錯，但去到後面refill質素開始下降，可能因為廚房解唔切凍，嚟到都仲係硬梆梆成舊牛肉，碌熟咗之後都有浸雪藏味🥶
至於海鮮方面，呢次嘅海鮮直頭令我哋好失望😭我地撈咗啲聖子同埋蜆，但食落其中幾隻都好臭好腥，直頭有陣尿壓味，食到對筷子都好臭，頂唔順換過對。食到呢頭，真係無乜心機食埋落去。。本身諗住熟食可能會好啲，嗌咗個熟蠔試吓，但點知都係好臭🥺🥺我諗海鮮呢到真係麻麻地。。
不過唔係全部海鮮都咁麻麻地嘅，我地試咗個醬油鮑魚，的確幾入味，口感都煙韌彈牙，都幾值得一試👍🏻
另外亦試咗佢地啲甜品，芝士撻同奶黃牛角包都幾唔錯😍芝士撻芝士味好濃郁，芝士饀好creamy！奶黃牛角包都幾特別😂食到入面真係食到啖啖奶黃味😆兩樣野出到黎仲好熱辣辣，真係唔錯✌🏻
總扣黎講，我覺得JK Brother熟食方面係做得出色過佢地主打嘅海鮮同牛肉嘅🤔不過都可能因為我今次黑仔啦，食親嘅都已經臭咗，所以如果淨係旨在食海鮮同牛肉嘅朋友可能就要諗諗啦😟
至於佢地嘅衛生環境我就要有所保留啦，小編我拎咗個杯同埋佢地個湯羹，但見到仲係好多漬，好明顯就係未洗乾淨🤢另外仲見到有隻細曱甴痴住係小編隔離啲牆罅位，真係好唔開胃。。再加上無啦啦飲飲吓野見到有隻野飛咗落杯野到。。
張貼
