丼吉日式吉列豬排專門店 (The ONE)

營業中

休息中

尖沙咀-丼吉日式吉列豬排專門店推薦指數：😋😋😋本店特選吉列定食三人前 $728 （上級豬柳 豬扒 大蝦 生蠔）特上吉列豬扒豬柳定食 $468 （豬柳 豬扒）所有食物都即叫即炸，確保我地進食個下係最脆口，的確食落炸得好乾身又唔會有油溢味！吉列豬扒炸面薄身，食落十分香脆，肉質比較鬆軟，肥膏比例適中，咬落去重有油香滲出黎！😍吉列豬柳咬落實淨左d，肉汁少，不過不失吉列大蝦相信大家由細食到大，比起一般店，大蝦相對大件好多，唔會食落食粉多過蝦肉！吉列蠔無令我失望，唔會有蠔腥味，好肥美，要分開幾啖先食得哂😍沾醬有海鹽、紫菜醬、沙律汁、柚子汁，加埋自己磨碎既芝麻同日本米，食落真係好正宗😍食到漏唔怕，白飯同椰菜絲都係可以refill，食番椰菜絲清一清就無問題又再戰過。當吉極上刺身盛合 $648 海膽 吞拿魚 牡丹蝦 帶子 油甘魚 三文魚 八爪魚我地一行6人所以都點一份大刺身黎食，解凍手法做得好，無雪藏味，海膽都幾甜，整體刺身都算新鮮。想搵間餐廳同朋友聚會，呢間都幾適合，店員會觀察客人再調整上菜次序同速度，亦都會不時主動為客人添椰菜絲，的確做到貼心既服務。食飽飽重會送上西瓜粒俾你下火👍🏻👍🏻👍🏻📍尖沙咀彌