澳門九記清湯腩王

記得學生時代經常幫襯丸記（當時應該仲係叫九記) ,今日難得經過 一於就入去回味下啦！！

海南雞飯

諗都唔諗就叫左最愛嘅海南雞脾飯，真係估唔到過左咁多年再幫襯，D雞都仲係keep到咁滑滑 ，d味一d都無唔同到，加埋泰式醬汁，最啱依家咁熱嘅天氣食！非常開胃

跟飯送嘅雞湯

跟飯仲有雞湯送，唔好睇佢螢光黃色咁⋯其實都幾好味，又唔油！入面舊蘿蔔深得我心，又甜又無渣。

除左海南雞飯，其實蕃茄牛腩飯同豬脾飯都好好食架！可惜一次食唔到咁多野，唯有下次再黎幫襯啦