酒鍋 (天文臺道)

營業中

休息中

我一直對各式火鍋都十分著迷，適逢同事生日老細請食飯，當然又係自肥嘅時候啦~~ 因為住附近嘅朋友介紹，所以間中都會去酒鍋聚聚。但因為疫情關係，都有好一段時間無嚟朝聖，佢哋嘅特色湯底同肉類配料始終令我念念不忘。酒鍋嘅湯底有辣有唔辣，有適合專一嘅單獨湯底，亦有適合心大心細、嗜好多多嘅四格五格鍋。今次我哋就揀咗「行酒江湖」湯底試試。四格湯底各自配搭不同的酒類，味道坦白講唔算特別突出，但當湯底一邊滾起，啤酒湯底的白色泡泡一邊咘咘起冒起，其實有啲搞笑。放咗隻蝦落去浸滿咗泡泡睇唔到咩色熟未，更成為咗遊戲嘅一部份，極之歡樂。海鮮係我的最愛，酒窩嘅海鮮都十分新鮮，蝦亦俾預期中大隻。中間因為部份海鮮沒有供貨，酒鍋也讓我們在拼盤裡自己配搭。加上我係粉皮類朋友，酒鍋嘅不同餃子類亦都令我驚喜。最最最特色的是「豆腐紙」，一筒上桌時還誤以為是紙巾。酒鍋另一值得讚賞之處是，非雪糕蛋糕免收切餅費。我哋最後在附近的餅店買了人氣的Vegan 蛋糕，即使在豐富的火鍋後也沒有太飽膩的感覺。侍應的服務十分值得一讚。整體而言，舒適的環境同氣氛令我哋可以慢慢食慢慢傾，當晚雖然差不多滿座，但也不感到周遭很嘈吵。