吉野家 (已結業)

吉野家搞打邊爐，真係做得好成功，比其他任何快餐店都做得好。皆因價錢抵食，又多新意多花款，美味嘅肥牛肉亦都係重要原因之一，歷久不衰。只要係人數少少，又想打邊爐嘅話，必然選擇吉野家。湯底味道都出過幾款，不過始都係原本嘅濃湯味最正。果日食嘅係櫻花蝦主題，櫻花蝦最好係食嘅時候撒面，如果唔係會煮到淋晒。加左櫻花蝦嘅湯底同食物，鹹鹹香香幾惹味。肥牛肉加芝麻醬呢個配搭一如既往，不可或缺，亦都係最值得食之選。港式打邊爐同日式shabu shabu remix，食一碗吸收晒湯底精華嘅冬，正。最開心係尖沙咀分店仲有日本啤酒賣，係吉野家打邊爐都終於可以啤一啤佢。