12
8
7
等級4
150
6
呢日朋友喺長沙灣返工,所以又可以一齊食晏,佢提議試下呢間農家意粉(近嚟討論區有人講嘛),位置其實離我office唔遠,但九江街一帶唔似有餐廳,主要係車房咁,所以行到去門口都要望多兩眼先確定👀。入去有門牌嗰間舖(正舖),門口有堆箱😅,開放式廚房都喺埋呢邊,得一個阿叔係到煮緊嘢,另外有一個店員做樓面,唔係好夠人。舖位其實唔係好細,但啲枱櫈擺位好奇怪,好窄好逼咁。企咗陣,店員叫我可以坐過隔離舖,有多啲位,我先發現原來隔離舖都係佢哋。但因為燈光暗,好簡陋,中間放咗張大長枱,側面又有好多雜物書等等,加上無乜冷氣,我以為係未開門嘅小學生補習社🙈。店員遞上幾款餐紙,又係意想唔到,因為係手寫再拎去影印,半張A4紙咁大,心諗不如我幫你用電腦打啦...整得整齊啲同細張啲,可以慳紙啲。呢到有幾個餐牌,有午餐、主菜、今日特價同常餐,花多眼亂@@。其實有啲食物幾張紙都有,都唔知點叫😅。最好笑係午餐F有鵝肝嗰個無寫幾錢,叫人哋猜......哈哈。因為坐咗係隔離舖,所以要自己行過去正舖比點餐紙。另外,之前睇openrice見到有人講等好耐先有得食,果然唔係都市傳說,真係等咗起碼20分鐘,有其他客直頭忍唔住過正舖催🥴
更多
呢日朋友喺長沙灣返工,所以又可以一齊食晏,佢提議試下呢間農家意粉(近嚟討論區有人講嘛),位置其實離我office唔遠,但九江街一帶唔似有餐廳,主要係車房咁,所以行到去門口都要望多兩眼先確定👀。
45 瀏覽
0 讚好
0 留言
29 瀏覽
0 讚好
0 留言

入去有門牌嗰間舖(正舖),門口有堆箱😅,開放式廚房都喺埋呢邊,得一個阿叔係到煮緊嘢,另外有一個店員做樓面,唔係好夠人。舖位其實唔係好細,但啲枱櫈擺位好奇怪,好窄好逼咁。企咗陣,店員叫我可以坐過隔離舖,有多啲位,我先發現原來隔離舖都係佢哋。但因為燈光暗,好簡陋,中間放咗張大長枱,側面又有好多雜物書等等,加上無乜冷氣,我以為係未開門嘅小學生補習社🙈。
24 瀏覽
0 讚好
0 留言

店員遞上幾款餐紙,又係意想唔到,因為係手寫再拎去影印,半張A4紙咁大,心諗不如我幫你用電腦打啦...整得整齊啲同細張啲,可以慳紙啲。呢到有幾個餐牌,有午餐、主菜、今日特價同常餐,花多眼亂@@。其實有啲食物幾張紙都有,都唔知點叫😅。最好笑係午餐F有鵝肝嗰個無寫幾錢,叫人哋猜......哈哈。因為坐咗係隔離舖,所以要自己行過去正舖比點餐紙。另外,之前睇openrice見到有人講等好耐先有得食,果然唔係都市傳說,真係等咗起碼20分鐘,有其他客直頭忍唔住過正舖催🥴。
109 瀏覽
0 讚好
0 留言
163 瀏覽
0 讚好
0 留言

我廢事煩,所以要咗午餐($48),貪佢有湯有甜品。首先係湯,鮮什菜牛肉湯,配埋個碗,成件事真係好中式,味道都唔錯嘅,有幾多料例如蘿蔔🥕、蕃茄、肉碎等。原來唔係午餐真係無湯送,另外所有餐都唔包飲品,要加$10😥。
20 瀏覽
0 讚好
0 留言

🍝主菜C-紅酒繪牛脷意粉到了,個造型都ok,份量好足,有5,6片牛脷🐮👅,配上扁意粉,蕃茄🍅應該足一個,另加一堆🌽忌廉粟米蓉,完全估唔到會有後者。味道都ok嘅,牛脷側面有少少燶,但肉都唔算硬嘅,似叉燒嘅口感。呢到竟然係用扁意粉,有啲驚喜。但最失望係等咗咁耐點知碟嘢唔係好熱...,啲粟米蓉我更加肯定係🥫罐頭直接倒出嚟😅,其實既然係咁求其倒落去就有啲多此一舉...。
$48
30 瀏覽
0 讚好
0 留言

至於我朋友就要咗今日特價嘅Prime美國極級薄切肉眼扒配意粉🥩,有得揀塊扒嘅份量,4安士$42、6安士$63同9安士$68,咁即係局你揀4安士或塊9安士啦。我慫恿咗個朋友叫後者,因為我可以食🤣。”汁水”佢就要咗蕃茄🍅,嚟到發現唔係茄汁。牛扒份量真係好多,有2大塊,其實唔算太薄。肉味都ok,肉質都唔會太老,呢個價錢算抵食。
Prime美國極級薄切肉眼扒配意粉
$68
24 瀏覽
0 讚好
0 留言

等食物嘅時間仲耐過我哋食飯嘅時間🤨,由於我個午餐寫有甜品,所以食完嘢我又走過正舖問係咪有甜品,如有可以上埋。轉個頭店員拎咗個咖啡杯☕️埋嚟,一放低我同個朋友真係當堂O哂咀,忍唔住對望,以為睇錯,真係意想不到,估你唔到。因為係用個杯裝住咗五粒軟糖🍬,其實我對甜品都唔係有啲乜期望,或者你話無都無乜所謂,但而家真係好搞笑🤣😂🤣😂🤣😂🤣🤣🤣😂,我哋驚唔好意思,所以食哂。
26 瀏覽
0 讚好
0 留言

總括嚟講,呢間小店真係好搞笑,別樹一格,所有方面都「意想不到」,特別係個「甜品」。食物味道都ok,但環境真係好騎妮😥,好唔吸引。服務方面,店員就唔係好醒目,不過有禮貌嘅,但我覺得應該要周不時過隔離舖睇下客人有無需要,成程我行咗過去3,4次囉......。同時,餐廳可能係本住慢功出細貨嘅態度出食物,逐碟煮,但時間真係太耐了,尤其係食晏時間真係好有限,唔能夠慢慢等喺到磨。雖然知餐廳喺到屹立咗好耐,但希望可以注意下上述地方,否則生意難做😟。
35 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-10-10
等候時間
30 分鐘 (堂食)
人均消費
$50 (午餐)