點點心 (已結業)

星期六日想食吓點心去飲茶本來諗緊喺添好運同點點心中間揀最後決定揀咗點點心想試吓呢個又台灣明星阿緯嚟香港開嘅點心到底同真正嘅港式點心有冇分別呢於是就黎試吓啦但係其實唔係太多人一入嚟就搵到位價錢其實同添好運差唔多嘅咁選擇都幾多壺香片好香茶味胡椒豬肚湯好香胡椒味真係好吸引豬肚都幾入味嘅 好重胡椒味用嚟打個底唔錯到之後嘅章魚肉餅飯其實嗰啲飯呢有加到鼓油好似仲有少少豬油味 甜甜地咁 好開胃呀蝦餃都唔算特別大粒同普通酒樓蝦餃其實冇乜分別個鳳爪排骨我冇食到所以唔知好唔好味呢牛肉腸幾好嘅 啲牛肉夠滑就算擺咗喺腸粉入邊蒸 啲肉質都好彈牙同添好運比 我覺得唔係太大分別唯一嘅分別就係呢度冇添好運嘅脆皮叉燒包啊呢個係無可取代㗎其他其實可以一戰👅