說來慚愧，去過台灣無數次，竟然未食過《胖老爹》，經過銅鑼灣見到，估唔到開响一個唔太起眼嘅位置。
43
佢嘅餐唔係太多選擇，所以我哋寧可散嗌。我哋揀咗三樣嘢，有「胖雞丁」、「台灣直送甜不辣」同「波霸花枝丸」，全部都係即叫即炸，所以等候需時。
1
「胖雞丁」炸得唔錯，能做到外脆內軟，雞肉冇冷藏嘅臭味，而且醃得好入味，咸香味剛好，而且份量都唔少，送啤酒一流。
「台灣直送甜不辣」同樣做到外脆，內帶甜不辣應有的煙靭口感，內帶清甜嘅魚香味，冇丁點腥味。雖然同雞丁嘅味道接近，但完全係兩種唔同嘅口感同美味。
「波霸花枝丸」有四粒，外皮脆卜卜，內裡Q彈有口感，而且有軟滑嘅花枝粒，食落十分爽口，咸香味令到花枝丸嘅味道更加豐富。
價錢佢唔算話貴，食到咁優質嘅炸物，我覺得係值得。
