更多
2020-12-21
1271 瀏覽
好掛住台灣的味道！無得去台灣旅行，於是就黎鼎王解解癮。點菜前會有熱茶，係水蜜桃茶，有陣陣嘅果香，清清地幾好飲，又消滯。-湯底揀咗鴛鴦鍋，$68/位超扺食！▪️麻辣鍋揀咗小辣，湯頭好香，採用牛油、蔬果同中藥類辛香料等所調製。入面仲有鴨血同豆腐，鴨血夠大件又厚切，口感Q彈，咬落內裏軟嫩，吸取咗麻辣湯底嘅中藥辛香味。滷豆腐都好入味，索唒d麻辣湯汁嘅精華，忍唔住食咗好多件。▪️酸菜白肉鍋揀咗中酸，非常開胃，切絲嘅酸菜好爽脆，白肉都清香又爽口。而且仲有粉條，都幾掛汁。湯底同鴨血、豆腐、酸菜等都無限refill ，淨係食呢幾樣都值回票價，鴛鴦鍋真係必點！店員仲要每次都好主動過黎refill，夠唒細心。▪️上選牛小排雪花紋好靚，牛味濃郁，油脂香溢！份量夠唒兩個人食！▪️綜合丸一共有八粒，包括以下四款（各2粒）：👉🏻芝士丸 : 芝士夠咸香，有拉絲效果。👉🏻手工蝦丸 : 有蝦肉，夠唒新鮮又彈牙。👉🏻手工花枝丸：以花枝同雞肉混合而成，口感質嫩爽口，既足料又夠新鮮。👉🏻貢丸：肉汁濃味，有嚼勁。▪️老油條好酥脆，浸落鍋中大概幾秒，外脆內軟嘅老油條索滿湯汁，非常惹味！-呢度有自助醬料吧，分別有兩種醬:麻辣沾醬👉🏻麻辣鍋用
無得去台灣旅行，於是就黎鼎王解解癮。
點菜前會有熱茶，係水蜜桃茶，有陣陣嘅果香，清清地幾好飲，又消滯。
-
湯底揀咗鴛鴦鍋，$68/位超扺食！
▪️麻辣鍋
揀咗小辣，湯頭好香，採用牛油、蔬果同中藥類辛香料等所調製。
入面仲有鴨血同豆腐，
鴨血夠大件又厚切，口感Q彈，咬落內裏軟嫩，吸取咗麻辣湯底嘅中藥辛香味。
滷豆腐都好入味，索唒d麻辣湯汁嘅精華，忍唔住食咗好多件。
▪️酸菜白肉鍋
揀咗中酸，非常開胃，切絲嘅酸菜好爽脆，
白肉都清香又爽口。
而且仲有粉條，都幾掛汁。
湯底同鴨血、豆腐、酸菜等都無限refill ，淨係食呢幾樣都值回票價，鴛鴦鍋真係必點！
店員仲要每次都好主動過黎refill，夠唒細心。
▪️上選牛小排
雪花紋好靚，牛味濃郁，油脂香溢！
份量夠唒兩個人食！
▪️綜合丸
一共有八粒，包括以下四款（各2粒）：
👉🏻芝士丸 : 芝士夠咸香，有拉絲效果。
👉🏻手工蝦丸 : 有蝦肉，夠唒新鮮又彈牙。
👉🏻手工花枝丸：以花枝同雞肉混合而成，口感質嫩爽口，既足料又夠新鮮。
👉🏻貢丸：肉汁濃味，有嚼勁。
▪️老油條
好酥脆，浸落鍋中大概幾秒，外脆內軟嘅老油條索滿湯汁，非常惹味！
-
呢度有自助醬料吧，分別有兩種醬:
麻辣沾醬👉🏻麻辣鍋用，以醬油同黑醋調和
酸菜沾醬👉🏻係台灣腐乳醬，係「酸菜白肉鍋」嘅專用醬料。
另外仲可以任fill白飯，包你食到飽！
-
呢度裝修有台灣嘅味道，而且環境寛敞，坐得好舒服，仲有口罩紙套，服務貼心。食物質素同味道都同台灣分店差唔多，解旅行癮一流👍🏻
張貼
