桔梗 (已結業)

一路經過望到呢間餐廳入面都會覺得好靚，幫襯既食客都以文青居多，我呢啲偽文青又點可以唔試一試佢？😁當晚去到其實都唔多人排隊，不過仍然處於滿座階段，我地都要搭檯。要提一提係要出去櫃臺俾錢點餐，同自己拎餐具的。點左一個麵包盤，海鮮燴飯，可樂餅同兩款野飲。麵包盤係特登點的，因為我想知道究竟點解台灣食店會有一個麵包為主既菜式響menu上呢？果然不出我所料，係好味既包！有特色牛油同果醬配包，作為前菜都係非常好既選擇。可樂餅擺盤都幾靚，有兩塊dry左蕃茄令件事好靚，味道都不錯。海鮮燴飯比想像中細碟，但龍蝦尾非常鮮味，值回票價，味道濃稠，原來食落都會好快飽。咖啡就係水準之作，花茶就正常。下次會再試其他菜式😊