67
4
1
等級4
200
0
2021-04-23 1290 瀏覽
「段純貞牛肉麵」銅鑼灣新店原來就喺人氣日本🇯🇵過江龍店「京都勝牛」隔離,上次去食「京都勝牛」時已經諗住下次試「段純貞牛肉麵」㗎啦。話晒係台灣🇹🇼過江龍,冇得去旅行唯有喺香港食頂住癮先😝😝▫️原味牛肉麵 (HKD84) - 麵類方面以牛肉湯麵為主。不得不讚個牛肉湯底,採用23種藥材及牛大骨來熬製,湯色香濃而唔油膩。每件牛肉都幾厚身,肉香軟腍又夠入味。麵條有兩款選擇 - 細麵或刀切手工麵。我覺得食湯麵嘅話揀手工麵會比較好,麵質彈牙及掛湯一流,完全吸收湯底嘅精華。▫️青花椒香手撕雞乾拌麵 (HKD78) - 乾拌麵揀咗細麵,麵條幾幼滑,配手撕雞食唔錯!味道雖帶點麻辣,但只係好輕微,可以吃小辣嘅人應該會接受得到。店舖提供多款台式小食,款款都咁吸引😋😋我哋今次食咗兩款小食👇🏻▫️滷水拼盤 (HKD78) - 一個拼盤有五款小食算幾多。鮮菌、滷蛋、豆干、牛肚同埋牛𦟌全部都吸收晒啲滷水汁,味道豐富。▫️酥炸排骨(HKD48) - 外表炸得酥脆,食落口唔會覺得好乾,反而會有多汁嘅感覺。配上酸菜一齊食夠開胃,我哋好快就K.O. 咗呢碟酥炸排骨🤪🤪食台灣菜點可以唔點飲品呀!▫️抹茶珍珠奶茶 (HKD32) - 點呢
更多
「段純貞牛肉麵」銅鑼灣新店原來就喺人氣日本🇯🇵過江龍店「京都勝牛」隔離,上次去食「京都勝牛」時已經諗住下次試「段純貞牛肉麵」㗎啦。話晒係台灣🇹🇼過江龍,冇得去旅行唯有喺香港食頂住癮先😝😝


▫️原味牛肉麵 (HKD84) - 麵類方面以牛肉湯麵為主。不得不讚個牛肉湯底,採用23種藥材及牛大骨來熬製,湯色香濃而唔油膩。每件牛肉都幾厚身,肉香軟腍又夠入味。麵條有兩款選擇 - 細麵或刀切手工麵。我覺得食湯麵嘅話揀手工麵會比較好,麵質彈牙及掛湯一流,完全吸收湯底嘅精華。


▫️青花椒香手撕雞乾拌麵 (HKD78) - 乾拌麵揀咗細麵,麵條幾幼滑,配手撕雞食唔錯!味道雖帶點麻辣,但只係好輕微,可以吃小辣嘅人應該會接受得到。


店舖提供多款台式小食,款款都咁吸引😋😋我哋今次食咗兩款小食👇🏻
▫️滷水拼盤 (HKD78) - 一個拼盤有五款小食算幾多。鮮菌、滷蛋、豆干、牛肚同埋牛𦟌全部都吸收晒啲滷水汁,味道豐富。


▫️酥炸排骨(HKD48) - 外表炸得酥脆,食落口唔會覺得好乾,反而會有多汁嘅感覺。配上酸菜一齊食夠開胃,我哋好快就K.O. 咗呢碟酥炸排骨🤪🤪


食台灣菜點可以唔點飲品呀!
▫️抹茶珍珠奶茶 (HKD32) - 點呢杯飲品叫咗少甜,對我嚟講甜度啱啱好。奶味比抹茶味突出,喜歡喝濃味抹茶嘅人可能會覺得味道普通。


▫️凍頂烏龍茶(HKD30) - 其中一款養生熱飲,啱晒唔鍾意飲甜嘢嘅人!因為呢壺茶係冇落糖㗎,茶味香濃,可以幫助解膩。
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
用餐時段
晚餐
推介美食
  • 原味牛肉麵
  • 酥炸排骨