更多
2016-08-12
4400 瀏覽
招牌臭臭鍋上個月去咗金巴利道試韓國炸雞時，忽然發現有一間台灣火鍋店即將開張，係一條充滿韓國餐廳嘅街道上忽然有間台灣食店，顯眼之餘不禁勾起好奇心，等呀等，上星期五終將開業啦，而蘋果乾我尋晚即刻同朋友黎試食。鋪頭位置易搵，我個人鍾意整個鋪面採取落地玻璃窗嘅設計，起碼入面多啱多人，環境我一覽無遺，唔駛係出面望呀望或者開門問：有無位呀！（溫馨提醒：自動門開關係左面，唔好好似我咁行咗去右面想去拉個扶手先發現😳🙈）可能黎得早，都仲有位置坐（lucky✌🏻️)睇睇個menu 先，唔多唔多，10個選擇姐😅好彩我唔食牛同羊所以好快就剔除其他選項，最終係招牌臭臭鍋同芝士牛奶鍋之間掙扎，基於蘋果乾我仲擁有冒險精神，所以招牌臭臭鍋勝出🎉一陣間，臭臭鍋上場，真係有啲臭😅其實我淨係食過一次臭豆腐咁多，所以今次真係驚驚。個鍋相比同區另一間，較大且份量比較多。臭臭鍋有：大白菜，豬肉片，臭豆腐，台灣頁丸，米血糕，大腸，豬紅，沙白，鵪鶉蛋，蕃茄，榨菜絲，韮菜，金針菇，嗎門卷。其實配料普通都唔錯，但我有啲驚訝會有蕃茄同榨菜絲，不過有佢可以中和下個湯底有出微微酸味，又唔錯哦；豬肉片都有好多塊，絕唔係一兩片打發你個隻；米血糕，豬
上個月去咗金巴利道試韓國炸雞時，忽然發現有一間台灣火鍋店即將開張，係一條充滿韓國餐廳嘅街道上忽然有間台灣食店，顯眼之餘不禁勾起好奇心，等呀等，上星期五終將開業啦，而蘋果乾我尋晚即刻同朋友黎試食。
鋪頭位置易搵，我個人鍾意整個鋪面採取落地玻璃窗嘅設計，起碼入面多啱多人，環境我一覽無遺，唔駛係出面望呀望或者開門問：有無位呀！（溫馨提醒：自動門開關係左面，唔好好似我咁行咗去右面想去拉個扶手先發現😳🙈）
可能黎得早，都仲有位置坐（lucky✌🏻️)睇睇個menu 先，唔多唔多，10個選擇姐😅好彩我唔食牛同羊所以好快就剔除其他選項，最終係招牌臭臭鍋同芝士牛奶鍋之間掙扎，基於蘋果乾我仲擁有冒險精神，所以招牌臭臭鍋勝出🎉
一陣間，臭臭鍋上場，真係有啲臭😅其實我淨係食過一次臭豆腐咁多，所以今次真係驚驚。個鍋相比同區另一間，較大且份量比較多。臭臭鍋有：大白菜，豬肉片，臭豆腐，台灣頁丸，米血糕，大腸，豬紅，沙白，鵪鶉蛋，蕃茄，榨菜絲，韮菜，金針菇，嗎門卷。其實配料普通都唔錯，但我有啲驚訝會有蕃茄同榨菜絲，不過有佢可以中和下個湯底有出微微酸味，又唔錯哦；豬肉片都有好多塊，絕唔係一兩片打發你個隻；米血糕，豬紅同大腸越煮越入味，臭豆腐依款我就第一次食，比我想像中好，你食幾耐都好，個豆腐仲係聞到臭味😂而一口咬落去時，豆腐本身啲微酸味同啲湯汁一齊湧出，好入味👍🏻，而同大家講聲，沙白即係蜆，唔好問啲店員：沙白呢？點解我無食到😅可能我食得比較慢，店員都好細心咁幫我加咗幾次湯底，放心，湯底嘅味係無沖淡到，仍然係咁濃郁。
其實個鍋係跟一碗飯嘅，不過店員都好好人，見我地唔食飯，會詢問一下想唔想轉粉絲。好彩我轉咗，因為個粉絲掂呀👍🏻，落咗個粉絲都有好一陣子（我諗多個5分鐘啦）啲粉絲仍有保持煙韌，唔會好似其他，一耐咗就消失得無影無蹤。
✨亮點：店鋪會溫馨提示完美比例嘅醬汁係3匙豆瓣/沙菜醬+2匙豉油+1匙蒜蓉，我就覺得照唔照做真係隨個人喜好，但～蒜蓉，好好味！！原來店家新鮮磨製嫁，唔怪得聞落好香，但一啲都唔會嗆辣，易入口，點甜味之餘仲有蒜香，我同我朋友超愛💕
食得火鍋又點少得飲品，我就比個盆栽奶茶～個名吸引咗，所以決定點黎試試，原來係奶茶上面鋪滿厚厚嘅Oreo餅碎，店家都好細心咁打到好細碎，你完全唔會飲到一舊餅一啖奶茶。我唔會話杯奶茶好味到爆，但飲落去真係好幼滑之條啲菜係帶點香味，原來所有茶葉都係由台灣入口，店家試話飲過覺得好先引入嫁。
一個鍋加杯野飲再加一，大約$150到。當然，你可以話台灣嘅8鍋係任食嫁（但依到係香港嘛）你都可以話$150食到其他更好嘅選擇；但我欣賞依間店嘅用心同體貼，好多材料佢地都用心揀選，把好嘅給予客人，例如：新鮮磨製蒜蓉，或者去台灣揀選茶葉等。
招牌臭臭鍋
898 瀏覽
0 讚好
0 留言
張貼
