巷口炸雞專門店 (屯門市廣場) (已結業)

有次去完Aeon買完野見到呢間台灣過江龍炸雞，喺落電梯轉右，見到好多人排隊，所以又望下有咩食，一試成主顧😂。早兩日又買左所以分享下。佢既炸物全部都係落左單先即炸，所以大概都要等10-15min。次次買完番到屋企都聞到超香🤤。🔅甘梅地瓜條($20)出去食既番薯條好多時都係幼同埋偏腍，但佢就係加粉漿炸，夠脆，同埋粗切就有口感。炸完再加甘梅粉😝。本身我唔鐘意食梅，但係發現加甘梅粉又幾香幾好食，同埋唔會好酸，令番薯既甜味更出色。不過甘梅粉撈得唔勻，喺晒底😂，同埋份量可以多少少，改善埋就滿分！🔅醬蒜炸雞(大) ($42)其實佢炸雞有幾款味，但第一次試完醬蒜炸雞覺得太好食就次次都叫呢個🤣。粉漿薄薄一層，炸得啱啱好，入面咬落仲好滑好juicy。醬蒜汁撈埋好香好正，又唔會多到整到炸雞外層濕漉漉腍左，加埋少少蒜片就更加香。💬巷口炸雞既好多款炸物都試過，基本上都無伏，係熱狗球普通左啲😂，不過最推薦呢兩款😎。