阿元來了 (鴻圖道)

營業中

休息中

我搵呢間餐廳都用左少少時間，好在有人在門口排隊先搵到，雖然有banner,但入口位好暗，難察覺在餐廳在內。一入去的確以為自己去左台灣，又有位口腔音似台妹的侍應serve我地，所以好有feel。控肉飯，好似東坡肉咁大大塊在鹵肉飯面，油而不膩，忍唔住要大大啖食哂。魯肉飯都用左肥肉多，不過切大粒，有口感，味道好正！芋頭雞蛋捲，即叫即炸，有點似炸沙律卷的皮，裡面包芋泥，又甜又脆。皮蛋豆腐，黎到先知俾凍食，幾凍下用個迷你啤酒杯裝，皮蛋和豆腐整成蓉，加左調味，都好有特色。食台灣野唔少得鹽酥雞扒，外脆內多汁，一定要叫！茉香珍珠，珍珠好QQ又夠甜，奶香又滑。咖啡磚奶茶，有粒粒咖啡啫喱，都QQ架，不過甜左少少。