影片
更多
2016-09-18
75 瀏覽
聽聞茶木開左新舖係兆萬，仲要係全層，某日經過兆萬，見到好大個logo，堅野喎！即係拉埋細佬上去試下！因為全層，一打開lift門已經係茶木啦！裝修同一般既茶木一樣，都係綠油油既感覺，我同細佬坐左係卡位，因為唔係好餓，所以叫左少少野食。義式香草明蝦鮮菜沙律: 有三隻大蝦，蝦肉凍而有鮮味，沙律菜好翠綠，洗得好乾淨又鮮甜，沙律醬既份量都恰到好處，兩個人食岩岩好，沙律內有紅椒同黃椒，夠健康！酥炸排骨麵: 呢度d冷氣都幾凍，熱呼呼既排骨麵最岩我。麵既湯底紅紅地，好似牛肉麵既顏色咁，麵質寬闊又扁身，以為佢都似煙un，但原來食起上黎幾滑幾爽口，浸埋落d湯索晒味，一流！再講d排骨，是酥炸，炸皮唔太厚，個炸皮有d咸味，仲有d酒味，初初食時覺得幾特別，但食多兩件就開始覺得有d咸。排骨肉多骨少，肉質幾嫩滑，望落仲見到有d d黑芝麻吊一吊個味，排骨數量都唔少，應該係一塊有我塊面差唔多大既排骨切成一件件，我同細佬兩個都夠食！望望甜品Menu，細佬揀左拔絲芋圓脆脆，店員話製作需時，要等20至25分鐘，因為即叫即整。的確，等左20分鐘多d就黎啦！甜品係芋頭所做，係台灣九份既出名小食，幸好芋圓唔算好多，所以無乜膩既感覺
因為全層，一打開lift門已經係茶木啦！裝修同一般既茶木一樣，都係綠油油既感覺，我同細佬坐左係卡位，因為唔係好餓，所以叫左少少野食。
義式香草明蝦鮮菜沙律: 有三隻大蝦，蝦肉凍而有鮮味，沙律菜好翠綠，洗得好乾淨又鮮甜，沙律醬既份量都恰到好處，兩個人食岩岩好，沙律內有紅椒同黃椒，夠健康！
酥炸排骨麵: 呢度d冷氣都幾凍，熱呼呼既排骨麵最岩我。麵既湯底紅紅地，好似牛肉麵既顏色咁，麵質寬闊又扁身，以為佢都似煙un，但原來食起上黎幾滑幾爽口，浸埋落d湯索晒味，一流！再講d排骨，是酥炸，炸皮唔太厚，個炸皮有d咸味，仲有d酒味，初初食時覺得幾特別，但食多兩件就開始覺得有d咸。排骨肉多骨少，肉質幾嫩滑，望落仲見到有d d黑芝麻吊一吊個味，排骨數量都唔少，應該係一塊有我塊面差唔多大既排骨切成一件件，我同細佬兩個都夠食！
望望甜品Menu，細佬揀左拔絲芋圓脆脆，店員話製作需時，要等20至25分鐘，因為即叫即整。的確，等左20分鐘多d就黎啦！甜品係芋頭所做，係台灣九份既出名小食，幸好芋圓唔算好多，所以無乜膩既感覺，仲有同芋圓一樣質感既地瓜圓，兩隻配料有彈性，爽口彈牙！芋圓痴住d好似粟米片既脆脆，加上拔絲，十分煙un！加上甜度適中不過有硬，食完兩隻大牙有d攰架！
日月潭紅玉紅茶黑糖奶蓋: 宜家興起奶蓋，好多台灣飲品都會乜乜奶蓋，而呢杯呢首先黑糖味好重，成杯都夠晒甜，奶蓋那一層既忌廉奶泡打得好厚，同紅茶混合為一，奶滑茶香！
唔使飛台灣都食到似模似樣既台灣野，OK啦！
張貼
