台北人 (已結業)

去黃埔站工作，做完野都成2點，去了「台北人」買外賣先。餐廳專賣台式便當，仲有台式小食同飲品等，任君選擇。門外貼心有數個坐位比客人坐 等外賣，值得一讚。叫了「滷豬腳便當」$65，有兩大只滷水豬腳，半隻滷水蛋，仲有三款配菜，什是豐富。豬腳好入味，入口是滿滿的骨膠原，啖啖肉，好正都好香，好軟淋又好入味。配菜也絕不馬虎，有粉絲，炒雜菜等等，滿足的口感。滷水蛋半隻，都好入味。仲要讚一讚米飯是珍珠米，配上微甜的滷水汁，我成個飯盒食晒！下次要試埋炸雞腿便當！好肚餓仲叫蛋餅，選了吞拿魚加芝士，即叫即整。芝士做到少少拉絲，芝味十足，配上吞拿魚，口感好豐富，再加上訂製的台式醬汁，好有台灣風味。最後還加錢升級了做冬瓜鮮奶，用上了日本的，好足牛奶香，不會太甜，但係大致都好抵飲又解渴。