養心殿台式養生鍋 (已搬遷) 新店位置

想去養心殿好耐嘞，今日捉住同事陪我去，邊打邊爐，邊打小人哈哈。嘆邊爐幾時都係一個盡情地講呀食呀嘅時間。呢度真係勁多人，坐無虛席。相信好多人都會一次過叫兩款足料湯頭，一款係美人鍋，因為有補充膠原嘅桃膠，全隻烏雞等養身藥材;另一款係麻辣鍋，有鴨血同蜂巢豆腐，可以揀辣度，小辣啱哂我呢啲又想試辣但又唔係好食得辣嘅人。呢度有好幾款菜式係個人認為嘅特色菜，因為未見過坊間火鍋店有，有啲又係自家製。例如呢個有空運標誌嘅翠絲水蓮，係蓮花嘅一部分，唔使恰太耐而保持爽口;恰耐咗口感又似蔥，都幾吸湯，可以一試。另外要試嘅係酒香白肉，起初睇佢個樣唔太討好，因為只不過係白雪雪嘅肥肉。但食咗一口，啲酒香就滲出來，係好香嘅花雕味。再黎紫淮山麵，食唔出有淮山味，感覺有啲似蕎麥麵，係爽口，唔會食到滯。