更多
2021-03-12
1506 瀏覽
西環街坊又出動，西環有兩間台灣野，一間喺西環中一間西環尾，兩間唔同特色，今次我就同朋友去左西環尾既五斗米～～～每次黎呢度，幾乎都係食招牌二人餐二人餐可任選兩款飯麵，滷水拼盤，肉燥青菜，九份芋圓同埋兩杯野飲—-一杯冬瓜茶同埋一杯珍珠奶茶，但我哋呢次將珍珠奶茶轉左黑糖珍珠鮮奶。而飯麵就要左客肉燥乾拌飯同埋原味牛肉麵。原味牛肉麵：牛肉份量頗多，牛肉味濃，煮得夠淋，而湯頭係店家每朝早用4-6個鐘新鮮熬製，所以鮮味十足，麵身可選南京麵或刀削麵，呢次食嘅係南京麵，麵質爽口彈牙。肉燥乾拌飯：肉燥係店家自製，用上醬油膏，所以味道更加出，香味亦都十足，可以拌多幾碗飯。滷水拼盤：入面有滷水豆腐，貢丸，魚蛋等，全部都非常入味，材料都均由台灣直送。肉燥青菜：新鮮嘅生菜淋上自家製嘅肉燥，味道唔錯。蛋餅：呢度嘅蛋餅皮都係由台灣直送，較出面餐廳嘅蛋餅皮厚身，食落嘅時候會比較脆身，再加埋滿滿嘅餡料，係令人有滿足嘅感覺。九份芋圓：有芋圓同地瓜圓，兩者都好煙韌，好Q彈，甜度亦係適中。黑糖珍珠鮮奶：只係用上鮮奶同店家自己做嘅黑糖漿，所以飲落會比較清少少，同埋呢度嘅凍飲無冰，係店家細心咁唔想冰溶嘅時候溝淡左飲品嘅味道。冬瓜茶
每次黎呢度，幾乎都係食招牌二人餐
二人餐可任選兩款飯麵，滷水拼盤，肉燥青菜，九份芋圓同埋兩杯野飲—-一杯冬瓜茶同埋一杯珍珠奶茶，但我哋呢次將珍珠奶茶轉左黑糖珍珠鮮奶。
而飯麵就要左客肉燥乾拌飯同埋原味牛肉麵。
原味牛肉麵：牛肉份量頗多，牛肉味濃，煮得夠淋，而湯頭係店家每朝早用4-6個鐘新鮮熬製，所以鮮味十足，麵身可選南京麵或刀削麵，呢次食嘅係南京麵，麵質爽口彈牙。
肉燥乾拌飯：肉燥係店家自製，用上醬油膏，所以味道更加出，香味亦都十足，可以拌多幾碗飯。
滷水拼盤：入面有滷水豆腐，貢丸，魚蛋等，全部都非常入味，材料都均由台灣直送。
肉燥青菜：新鮮嘅生菜淋上自家製嘅肉燥，味道唔錯。
蛋餅：呢度嘅蛋餅皮都係由台灣直送，較出面餐廳嘅蛋餅皮厚身，食落嘅時候會比較脆身，再加埋滿滿嘅餡料，係令人有滿足嘅感覺。
九份芋圓：有芋圓同地瓜圓，兩者都好煙韌，好Q彈，甜度亦係適中。
黑糖珍珠鮮奶：只係用上鮮奶同店家自己做嘅黑糖漿，所以飲落會比較清少少，同埋呢度嘅凍飲無冰，係店家細心咁唔想冰溶嘅時候溝淡左飲品嘅味道。
冬瓜茶：係由台灣直送嘅冬瓜磚所沖製，味道會較甜，但甜味更能突顯冬瓜茶嘅味道。
張貼
