9
餐廳環境整潔光猛, 座位寬敞, 坐得舒服。
我地點咗兩款台式拼盤同埋兩個鍋物。
鹽酥小拼盤:
分別有彈牙花枝丸、鹽酥雞同埋甘梅地瓜, 每款酥脆可口。
鹵味拼盤:
每款鹵物都鹵得入味而不會過鹹, 包括有好林嘅豬腸、爽骨軟骨豬耳同埋軟滑流心鹵蛋。
台灣本味麻辣鴨血鍋:
可選辣度, 麻香又惹味, 刺激味蕾夠醒胃。配料相當豐富, 大多配料均利於吸湯, 包括有蜂巢豆腐、蟹柳、魚皮餃、魚豆腐、響鈴、娃娃菜、蕃茄、金菇、娃娃菜、粉絲、冬菇、蘿蔔、煙韌嘅米血糕、彈牙芋頭貢丸同埋呢款麻辣湯底獨有嘅彈滑鴨血, 再配上自選嘅安格斯牛肉片同埋新竹米粉, 成個配搭絕對唔會悶, 份量足!
而另一款鍋我地就揀咗---雙重芝士牛奶鍋
同樣自選配安格斯牛肉片、新竹米粉
呢個鍋配料跟上面嘅麻辣鍋相似, 只係冇咗鴨血, 以兩款碎芝士取締, 芝士慢慢滾起被熱熔, 熔於湯底中, 令湯底味道奶味更突出而且溫順香滑, 熱辣辣時仲可以拉起芝士絲, 安格斯生牛肉鮮嫩, 可因應個人喜好煮成其熟度。所有吸湯配料完美盡吸湯底精華, 大愛!!
飲品方面多款台式餐廳自調飲品選擇,
南投縣百香果QQ:
果香味突出, 感覺清新不會甜到漏, 仲有唔少QQ果肉, 很有層次。
紅豆珍珠奶茶:
奶與茶味比例平均, 吸啜時都能吸到紅豆珍珠, 紅豆軟林甜甜地, 仲有煙韌熟透珍珠, 正!
