稍息

營業中

休息中

新開冇耐，外面望到好似裝修幾靚仔，又係我中意嘅日式昭和風，入去試下佢嘅咖啡同食物先! 坐位唔多，有時見外面都會有人排緊隊，咁啱今日早lunch所以唔洗點等。裝修都係復古味重，木質感，啡啡橙橙色tone, 吊燈幾靚，角落都係圓邊設計，中間位置放咗陪咖啡機好吸睛! 坐底有杯水，水杯好靚，好vintage。點咗份香煎三文魚扒全日定食，一般都係有埋湯同味素飯，但佢個set原來重有我至愛茶碗蒸! 上面重舖咗小小三文魚子，有心! 重有兩小碟配菜，好送飯! 三文魚煎得香脆，肉質欶滑，配埋檸角同醬汁，又係好送飯! 碗湯都唔hea, 雖然係麵豉湯，但就加咗連殼蜆肉🧡 見佢部咖啡機咁把炮，就叫咗杯latte, 試佢啡又試佢嘅拉花，啡味略帶Nutty，個拉花都ok~ 總括間唔屎試一兩次就夠嘅感覺，因為menu好似都keep住係個幾款嘢，呢個價位算貴，黎食佢嘅格調，同餐具裝修都算可。