韓珍 (寶勒巷)

啲食物完全唔掂，未食過咁難食嘅韓國菜，而且服務差，上菜甩甩漏漏，唔吹就唔上菜，個湯連埋個飯，但唔問就唔俾，等咗好耐先有嘢食，海鮮豆腐湯同海鮮薄餅啲海鮮只有急凍雪味，完全冇任何鮮味同其他調味，個薄餅只食到好厚粉，完全唔知自己食緊乜，絕對冇下次!

成間餐廳嘅侍應超過九成係南亞裔人士，可能廚房煮嘢食嘅都係南亞裔，根本唔識煮韓國菜！

要寫夠200隻字先至可以評分，我本來都諗住停㗎啦，咁唯有繼續踩，到埋單嘅時候，同侍應講埋單，侍應話好，但最後冇拎張單嚟，之後要自己出去埋單，完全唔知乜嘢服務