泰妹麵

本身鍾意食泰國船麵，見太安樓開左呢間新店，以為有好嘢食，即刻試一試，點知中晒伏！！！

首先，明明就無生意，靜過鬼，
諗住好快會有嘢食啦，
點知等左勁耐，成間舖幾個職員，但好似發緊夢咁，
等到出晒汗先有得食。

好食的話，條氣都順d，
但唔好意思，係難食、唔抵食！
價錢唔平，但份量超少，
d麵生生地，
個湯底勁淡，係有味嘅滾水！

再睇下所謂嘅炸豬皮，
嘩～～～得果兩粒，真係矜貴，唔知係咪西班牙黑毛豬呢？

呢間嘢，食一次都嫌多！

咁矜貴，真係唔捨得食！