牛陣 (已結業)

原本約咗兩位朋友韓燒，點知前幾天開始有的唔舒服，即刻通知轉食火鍋，當然要重新揾地方，其實都係想方便就腳，最後拍板揀咗呢度去到感覺都還是良好，可能我地食得比較夜…九點鐘所以都唔算好多人，唔需要等（因為打電話去訂枱時，接線既姐姐講到呢的時間要等，唔知幾耐點。點。點）點知去到都唔夠十枱客兩位朋友先行到達，諗住等埋先一齊揀湯底，點知個侍應好似好趕咁，不停吹。吹。吹朋友頂佢唔順，就揀咗個“壽喜燒”，其實本人就唔係好知係乜，不過結合兩位朋友既意見，都唔係佢地想要既……而我只覺得好似豉油味既湯底其實我自己都係第一次去呢間店打邊爐，牛肉及豬肉都係任食，不過每次都要叫侍應加單，其他食物及醬油就需要自行領取，不過其他配料既選擇，比想像中都還要少，唔太吸引，除咗個甜品Haagen Daz 有四款口味我明白係限時，有時間限制，但都冇可能剩低十分鐘先通知客人，我都唔知食埋的咸既好，還是去攞甜既好，唔知係咪趕住收工，連一分鐘都唔會比多你