影片
更多
2018-08-11
140 瀏覽
近排肥妹仔食得西餐太多，都想轉下口味，試下其他唔同國家嘅菜式。 今日係星期五，肥妹仔上網見到有一間喺何文田專食緬甸米線嘅鋪頭， 覺得幾有趣，所以放工之後即刻約咗同事去試下食。Mohinga鮮魚濃湯米線 $48聽過店員講呢一款濃湯米線係佢哋嘅招牌米線， 個湯底係加咗黃薑粉，紅椒粉落塘虱既湯底湧去煮成嘅， 就咁聽就已經好特別喇! 佢嘅配料都有好多，有魚片，豆卜，豌豆脆片同半隻蛋等。 佢呢個湯飲 落好鮮味同有一陣甜甜地嘅味道，不錯! 魚片同豆卜係大路野冇咩特別，但係佢個碗頭脆片就炸到脆卜卜， 好香豌豆味，食落真係又得意又特別。曼德勒紅燒腩肉配飯 $55呢個腩肉飯食落好似台灣嘅滷肉飯，個醬汁似滷肉嘅味道， 真係淨係碗汁都已經可以撈埋成個飯食! 而佢嘅紅燒腩肉件件都好厚好大件， 但係咬落去又唔會好鞋 ，肥瘦適中，肥妹仔我覺得呢個紅燒腩肉飯好好食。酥炸黃金脆蝦餅 $48新鮮炸起脆卜卜，個蝦味都幾濃， 味道其實都幾似我哋平時食開嘅越式炸蝦餅， 果然食東南亞菜就一定要食蝦餅呀。緬甸黃薑脆脆雞翼 $48真係好香黃薑味，肥妹仔我覺得黃薑會係緬甸菜嘅主要香料之一!因為肥妹仔今餐都食到幾多濃黄薑味嘅菜式， 個
近排肥妹仔食得西餐太多，都想轉下口味，試下其他唔同國家嘅菜式。 今日係星期五，肥妹仔上網見到有一間喺何文田專食緬甸米線嘅鋪頭， 覺得幾有趣，所以放工之後即刻約咗同事去試下食。
Mohinga鮮魚濃湯米線 $48
聽過店員講呢一款濃湯米線係佢哋嘅招牌米線， 個湯底係加咗黃薑粉，紅椒粉落塘虱既湯底湧去煮成嘅， 就咁聽就已經好特別喇! 佢嘅配料都有好多，有魚片，豆卜，豌豆脆片同半隻蛋等。 佢呢個湯飲 落好鮮味同有一陣甜甜地嘅味道，不錯! 魚片同豆卜係大路野冇咩特別，但係佢個碗頭脆片就炸到脆卜卜， 好香豌豆味，食落真係又得意又特別。
曼德勒紅燒腩肉配飯 $55
呢個腩肉飯食落好似台灣嘅滷肉飯，個醬汁似滷肉嘅味道， 真係淨係碗汁都已經可以撈埋成個飯食! 而佢嘅紅燒腩肉件件都好厚好大件， 但係咬落去又唔會好鞋 ，肥瘦適中，肥妹仔我覺得呢個紅燒腩肉飯好好食。
酥炸黃金脆蝦餅 $48
新鮮炸起脆卜卜，個蝦味都幾濃， 味道其實都幾似我哋平時食開嘅越式炸蝦餅， 果然食東南亞菜就一定要食蝦餅呀。
緬甸黃薑脆脆雞翼 $48
真係好香黃薑味，肥妹仔我覺得黃薑會係緬甸菜嘅主要香料之一!因為肥妹仔今餐都食到幾多濃黄薑味嘅菜式， 個雞翼同個蝦餅一樣炸得脆卜卜， 肉質都幾嫩， 試問新鮮炸起嘅食物又點會難食呢？
緬甸家鄉手抓餅$48
個酥皮薄餅煎到脆卜卜，食落有一陣椰奶嘅香味。隨碟附上一碗咖哩醬嘅醬汁。食落去有少少xo醬同辣椒醬同蝦米嘅味道，個手抓餅點呢一個醬真係好好食。
哈哈肥妹仔我覺得有時試下新嘅菜式其實都唔錯㗎~
張貼
