影片
更多
2012-03-26
30 瀏覽
我因一時好奇，因未曾參與過Openrice o既試食會，有幸抽中其中甚感意外同開心。是日18/3/2012約20位參加者左右，我地大約4點開始試食。首先歡樂先生同歡樂小姐為我地介紹好樂滿的由來同好樂滿有益於美容健康等，我地係佢地搞搞氣氛下，開始我地o既試食之旅。首先，大會為我地送上前菜，包括泡菜同4色涼菜，睇落似食韓式菜多過食日式，泡菜味道唔錯，唔係好辣，同係韓國餐廳差唔多，4式涼菜就咸左少少，其中芽菜比較好食。第一道試食o既係豬橫隔膜、豬尾和牛舌。除左牛舌外，相信我地平時絶對少食到豬橫隔膜，甚至好少會用豬尾做菜式。豬尾食落好似食緊豬油咁，一路烤一路勁出油，幸好用生菜連葱絲包住黎食，食落都OK冇咁油膩。至於豬橫隔膜，我咬左好耐都咬唔掂，我放棄啦! 第二道試食o既係牛小排、雞頸肉和豬軟骨。我地平時比較少食雞頸肉，多數直接棄掉雞頸，今次我地係見唔到雞頸，所以大會唔講，我地都唔會知道原來係食緊雞頸肉，因為同平時雞肉o既味道係一樣。用生菜連葱絲包住黎食，非常好味，而且雞頸肉又唔肥，值得推介。豬軟骨就一D都唔軟，好似食緊排骨咁，但烤黎食都別有一番風味，當然食落都幾肥膩，用生菜包黎食就要小心中間個
是日18/3/2012約20位參加者左右，我地大約4點開始試食。首先歡樂先生同歡樂小姐為我地介紹好樂滿的由來同好樂滿有益於美容健康等，我地係佢地搞搞氣氛下，開始我地o既試食之旅。
首先，大會為我地送上前菜，包括泡菜同4色涼菜，睇落似食韓式菜多過食日式，泡菜味道唔錯，唔係好辣，同係韓國餐廳差唔多，4式涼菜就咸左少少，其中芽菜比較好食。
第一道試食o既係豬橫隔膜、豬尾和牛舌。除左牛舌外，相信我地平時絶對少食到豬橫隔膜，甚至好少會用豬尾做菜式。豬尾食落好似食緊豬油咁，一路烤一路勁出油，幸好用生菜連葱絲包住黎食，食落都OK冇咁油膩。至於豬橫隔膜，我咬左好耐都咬唔掂，我放棄啦!
第二道試食o既係牛小排、雞頸肉和豬軟骨。我地平時比較少食雞頸肉，多數直接棄掉雞頸，今次我地係見唔到雞頸，所以大會唔講，我地都唔會知道原來係食緊雞頸肉，因為同平時雞肉o既味道係一樣。用生菜連葱絲包住黎食，非常好味，而且雞頸肉又唔肥，值得推介。豬軟骨就一D都唔軟，好似食緊排骨咁，但烤黎食都別有一番風味，當然食落都幾肥膩，用生菜包黎食就要小心中間個舊骨了，都係咬唔到。
第三道試食o既係豬胃同牛腸。豬胃比較難烤熟，牛腸就好容易燒焦，所以要睇實幾時食得好重要。豬胃我咬左好耐都咬唔掂，我放棄啦!
之後仲有好樂滿內臟炒麵，應該我地之前果幾道內臟再加上牛百葉之類，呢個炒麵有D我地平時食開o既豉油皇炒麵，麵條炒得唔錯，又唔會好乾，炒條食落彈牙，應該係用拉麵黎炒。
跟住仲有香辣豬軟骨薯仔鍋，鍋面舖上唐蒿，湯頭辣辣地，材料仲有豆腐、薯仔、豬軟骨等，但唔係好食得辣的朋友未必太喜歡呢道菜。豬軟骨同之前烤豬軟骨唔同了，今次比較林，易入口，似煲完湯的肉咁，唔錯。豆腐都幾滑，但我只係食到辣味。
最後大會為我地安排左甜品 – 雪糕，我地試食o既係雲呢拿，雪糕同我地食開唔同，奶味較重，但好快溶，雪糕仲有D雲呢拿籽係面，我都係第一次試，冇諗過平凡的雲呢拿都可以咁特別。
好多謝Openrice同好樂滿為我地安排呢次試食會，如果用餐期間可配合菊花茶或酸梅湯作飲料會更好，因為實在太熱氣了。我更多謝我的同枱搭檔 – 羊家兄妹，我地一齊食得好開心。張貼
