成都老碼頭火鍋 (已結業)

今日同朋友喺旺角行行下，見到有間餐廳外面有塊好大嘅牌寫住老碼頭。再上網search下，見到內在環境好古色古香，已經好有興趣試。然後望到原來佢平時只做晚市火鍋，但呢排晚市禁堂食就做埋午市，姐係今日午餐可以食呢間啦。反正今日下午又幾得閒，可以坐喺到慢慢打下邊爐，就去左食啦。鴛鴦湯底 $178好想食辣嘅火鍋湯底，但又知道自己有時候都會想食返少少清啲嘅。好彩呢度有鴛鴦湯底可以揀，所以我哋就揀咗一邊係辣嘅湯底，令一邊就係唔辣嘅豬骨湯啦。店員建議可以揀咗小辣先，因為如果唔夠辣可以之後再加辣。所以我地就揀左小辣。不過其實小辣都幾夠辣，所以我哋之後都冇再加辣嘅。豬骨湯鹹鹹地，味道幾濃，幾好食。入面仲有啲冬菇、紅棗、杞子同埋火腿添，都可以食埋架。澳洲雪花肥牛（半份）$82兩個人嘅話食半份都夠，啲雪花都幾靚，幾有牛味。每塊肥牛都幾大片。瘋狂辣牛肉（半份）$68鮮牛肉上面滿佈辣椒，再放入麻辣湯底入面，辣上加辣，正。蒙古羊肉片（半份）$68羊肉唔會太羶，都唔錯。爆菊花鮮蝦滑 $88以為會好辣，但其實都唔係真係好辣。蝦滑好彈牙，入面充滿蝦籽，唔錯。唐生菜 $28以單點嘅邊爐黎計， $28可以叫到唐生菜其實唔貴。