古今二 (The ONE)

營業中

休息中

今日難得經過尖沙咀，知道古今二開咗間新鋪，一直都係呢一間日本菜嘅fans，所以有新開嘅舖頭就梗係去支持下啦！因為夏天好熱所以我哋第一時間叫咗個沙律先，啲菜都好新鮮好甜，加埋啲蟹柳好有層次感好好食。主食方面叫咗個飽肚嘅壽司，個名好得意叫 粉紅佳人，有好多唔同嘅三文魚同埋吞拿魚混合，成個感覺都好新奇有趣，而且個味道都好夾🤤🤤配菜方面我哋叫咗幾款，第一款係燒茄子，個人覺得都幾好食，不過比較偏甜味少少🤏另外仲有個鰻魚薄餅，上面嘅鰻魚都好高質好正，配埋下面個脆底，真係有少少似食緊pizza。我哋仲要多咗個小食係鹽燒雞翼，咬落去非常之香口脆皮🤤🤤整體來講呢間餐廳都好新淨好乾淨企理，而且食物質素都保持一貫咁好，所以會再嚟幫襯。