豆花妹撈米線 (已結業)

食物份量雖然不多，但看看餐牌，套餐配搭都幾豐富，我揀左豆花米線配麻皮蛋，拍青瓜，小食杏鮑菇和飲品蜂蜜紅棗。雖然係小食，但是米線同配料份量剛好，好岩成日口痕既朋友，米線較稔，豆腐好滑，加上微辣醬汁下，真係幾好味，個人建議先用湯匙品嚐豆腐花，因為當撈勻後香味會被醬料稍為掩蓋，而拍青瓜都醃得好入味，凍凍地入口非常青爽，皮蛋味道都幾好，幾入味，仲有少少辣香，只係切得大左少少，杏鮑菇係酥炸既，灑上椒鹽作調味，外層鬆脆香口，內層菇香嫩滑，加上又係健康小食，真係多食幾啖都無妨，另外冰凍既蜂蜜紅棗凍飲就甜度適中，好解渴之餘，仲口感十足，因為當中仲夾雜著絲絲紅棗肉，真係好有口感，總括黎講份量真係幾多，所以唔建議大家飯前去食！