麥當勞 (集成中心)

營業中

休息中

同食家"今餐食乜好"閒聊, 無意間提及麥記, 佢問師傅有冇試過佢個新出品"玉子將軍漢堡", 師傅話冇, 於是食家"今餐食乜好"就叫師傅去試, 因為佢覺得好掂! 既然如始, 師傅就去試一試啦!揀一間位置較方便師傅嘅麥記, 老規舉一去到排隊, 都幾多人, 等左一陣師傅就要左個玉子將軍漢堡餐!攞到埋位, 師傅見到d薯條啱啱炸起, 熱辣辣好新鮮, 於是即刻食左兩條, 好好味呀; 之後就將全部薯條倒入個袋度"色", 今次師傅要左咖哩粉, 咖哩粉好香咖哩味, 仲有少少辣, 配埋熱辣辣嘅薯條係極好味; 再試下主打嘅玉子將軍漢堡, 其實玉子將軍漢堡同將軍漢堡冇咩分別, 就係多左隻厚蛋同加多少少醬汁, 師傅覺得個包都幾軟熟, 而燒汁漢堡都幾好味, 漢堡軟硬適中, 幾好; 而厚蛋嘅口感都唔差, 不過喺個厚蛋上加左d檸檬沙律醬, 師傅就覺得差d, 因為d檸檬沙律醬唔覺似檸檬味, 反而有d似芥辣味咁, 咁樣反而令師傅反感!總括而言麥記維持一貫終止, 就係唔會有機會令你覺得佢嘅食物係唔好味, 甚至乎係難食, 就呢個包黎講要師傅再安哥嘅可能性不大, 加上環境地方又細, 冷氣又唔夠, 食飽後師傅都覺得好熱, 係比熟