142
87
48
等級4
2008-05-20 1 瀏覽
上星期約左友人同埋食家"乜都放入窿"黎個飯局, 地點由食家乜都放入窿決定, 最後鐵定黎呢間食店一試, 理由是因呢間食店嘅食評都幾好, 加上幾個人都未試過, 仲有相片吸引, 所以決定一試! 為免去到冇位, 於是師傅就去訂枱! 準時去到, 伙計招呼入座, 呢度環境幽暗, 都頗有情調! 接著落黎就睇下有咩好食喇, 呢度樣樣食物都幾吸引, 加上都幾經濟, 最後師傅要左個芝士焗蠔拼牛柳配薯菜, 而友人就要左個羊架, 至於食家"乜都放入窿"就要左個焗意粉, 而呢度每個都係套餐, 所以有餐包同餐湯, 而師傅就要左個忌廉蜆湯!最先黎到當然係餐包同餐湯, 餐包係蒜蓉包, 蒜蓉包好鬆好脆, 幾好味; 而忌廉蜆湯就好多蜆肉湯, 不過d蜆肉就韌少少, 湯就幾好味; 到左主菜芝士焗蠔拼牛柳配薯菜, 牛柳要左五成熟, 肉質好鬆好鮮, 有牛味, 不過係細舊d, 而芝士焗蠔嘅芝士好香, 而蠔都算幾大隻, 肉質好鮮, 掂喎; 至於薯菜就有幾條大舊嘅炸薯, 薯條好香好有薯仔味, 正呀! 至於友人同食家"乜都放入窿"嘅食物, 賣相都係非常好, 而且佢地都讚d食物好味!飯後再叫左兩客甜品, 當然係呢度最出位嘅朱古力心太軟同埋
更多
上星期約左友人同埋食家"乜都放入窿"黎個飯局, 地點由食家乜都放入窿決定, 最後鐵定黎呢間食店一試, 理由是因呢間食店嘅食評都幾好, 加上幾個人都未試過, 仲有相片吸引, 所以決定一試!

為免去到冇位, 於是師傅就去訂枱! 準時去到, 伙計招呼入座, 呢度環境幽暗, 都頗有情調! 接著落黎就睇下有咩好食喇, 呢度樣樣食物都幾吸引, 加上都幾經濟, 最後師傅要左個芝士焗蠔拼牛柳配薯菜, 而友人就要左個羊架, 至於食家"乜都放入窿"就要左個焗意粉, 而呢度每個都係套餐, 所以有餐包同餐湯, 而師傅就要左個忌廉蜆湯!

最先黎到當然係餐包同餐湯, 餐包係蒜蓉包, 蒜蓉包好鬆好脆, 幾好味; 而忌廉蜆湯就好多蜆肉湯, 不過d蜆肉就韌少少, 湯就幾好味; 到左主菜芝士焗蠔拼牛柳配薯菜, 牛柳要左五成熟, 肉質好鬆好鮮, 有牛味, 不過係細舊d, 而芝士焗蠔嘅芝士好香, 而蠔都算幾大隻, 肉質好鮮, 掂喎; 至於薯菜就有幾條大舊嘅炸薯, 薯條好香好有薯仔味, 正呀! 至於友人同食家"乜都放入窿"嘅食物, 賣相都係非常好, 而且佢地都讚d食物好味!

飯後再叫左兩客甜品, 當然係呢度最出位嘅朱古力心太軟同埋蘋果批! 朱古力心太軟皮薄流出的朱古力暖暖的, 唔係太甜, 好好味; 至於蘋果批就係酥皮, 好香好鬆脆, 蘋果唔會太甜, 好有質感, 掂呀!

總括黎講食物質素真係得, 而環境又舒服, 服務又好, 價錢就唔貴, 埋單每人都係一舊水, 絕對抵食; 三五知己黎呢間食店就食飯, 整番個友人飯局都係一個唔錯嘅選擇, 有機會一定會再黎, 笑臉師傅我比梗!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$100 (晚餐)
推介美食
  • 朱古力心太軟