MX (海怡西商場) (海怡西商場) (已結業) 查看

好少食美心，因為一來屋企同公司附近都會冇，二來覺得連鎖快餐店品質應該差不多到，所以對美心並沒有特別喜好。但今日黎到海怡，發現商場冇乜嘢食，所以就揀咗美心，下午茶時段叫咗一個迷你叉燒飯同咖喱三寶，出奇地滿意，野食份量剛剛好，叉燒係肥瘦叉，咬落好軟熟，中間夾雜着小小脂肪，口感一流，再有配上少少汁送飯，好快就食晒。另外咖喱三寶都不過不失，有魚蛋，豬皮同白蘿蔔，咖喱汁幾好味。整體來講覺得有誠意，有用心調配過醬汁和配搭。