影片
更多
2010-11-12
2 瀏覽
因為返工放工關係, 每日都要經過呢條車房街。叫佢做車房街係因為街既左右都係車房, 地下好多廢料垃圾, 所以我慣性走馬路中央而唔走行人路。我都唔記得左確實日期, 大概半個月前, 突然在街頭見到一座新餐廳, 叫「秘密花園1981咖啡店」。咖啡店裝潢幾高檔, 而門口又冇餐牌, 我估大部份人都會驚錯入左高級餐廳俾人「屈」食貴野。所以行左幾日都見間舖吉吉地, 冇咩人幫襯。直至前幾日阿媽冇煮飯, 冇飯戴, 迫住同同事落街食。本身諗住去食譚仔, 點知經過「秘密花園」既時候, 見到門口排晒隊,我同兩個同事就於是走埋去一齊排試下新野。等左大約五分鐘, 侍應叫左我地三個入去, 入到最入, 先發現仲有條樓梯上樓上, 我同事frank即刻大聲叫左句: 「嘩真係好秘密!」我地抱住冒險心態坐低, 睇下餐牌, 竟然........................$40左右一個Lunch包湯包野飲, 仲要有音樂聽有冷氣涼, 氣氛熱鬧情調又好, 真係估佢唔到!食物主要係西餐, 個前湯好夠味, 唔似雜菜湯, 反而有D似羅宋湯。我地主菜點左一個忌廉汁雜錦海鮮意大利粉同一個咖哩雞扒焗飯, 仲有一個地獄烏冬。烏冬水準普通啦,
叫佢做車房街係因為街既左右都係車房, 地下好多廢料垃圾, 所以我慣性走馬路中央而唔走行人路。
我都唔記得左確實日期, 大概半個月前, 突然在街頭見到一座新餐廳, 叫「秘密花園1981咖啡店」。
咖啡店裝潢幾高檔, 而門口又冇餐牌, 我估大部份人都會驚錯入左高級餐廳俾人「屈」食貴野。
所以行左幾日都見間舖吉吉地, 冇咩人幫襯。
直至前幾日阿媽冇煮飯, 冇飯戴, 迫住同同事落街食。
本身諗住去食譚仔, 點知經過「秘密花園」既時候, 見到門口排晒隊,我同兩個同事就於是走埋去一齊排試下新野。
等左大約五分鐘, 侍應叫左我地三個入去, 入到最入, 先發現仲有條樓梯上樓上, 我同事frank即刻大聲叫左句: 「嘩真係好秘密!」
我地抱住冒險心態坐低, 睇下餐牌, 竟然........................
$40左右一個Lunch包湯包野飲, 仲要有音樂聽有冷氣涼, 氣氛熱鬧情調又好, 真係估佢唔到!
食物主要係西餐, 個前湯好夠味, 唔似雜菜湯, 反而有D似羅宋湯。
我地主菜點左一個忌廉汁雜錦海鮮意大利粉同一個咖哩雞扒焗飯, 仲有一個地獄烏冬。
烏冬水準普通啦, 而意粉同焗飯則大出意料之外, 好食wor!
但我反而覺得最誇張係, 見到隔離台一壺壺D餐飲唔知係咩,
問下年輕女侍應, 發現原來係花茶!!!!!跟餐竟然免費!!!!!!
我地於是叫左一個貢菊蜂蜜,一個玫瑰,同一個蘋果桂花,
味道清香, 適合食到飽晒既我地!!我俾100分!!
雖然飽晒, 但同事frank仲貪吃要+$12食個「招牌木糠布甸」,
結果, 偷食左佢一啖之後, 我地另外兩個都決定要加! 好味!!
一邊食既時候一邊睇下個drink menu, 發現一個愛情故事。
估唔到一間餐廳背後有個咁浪漫既故事, 於是八卦問下侍應「誰是老闆」?
起初同樓下既FL一樣以為係封面寫住既 regina and thomas,
點知答案原來係佢地果個「小兒子」, 而1981就係佢地兩個既結婚年份。
張貼