火五越式牛肉粉專門店 (華生樓) (已結業)

天氣熱最鍾意食啲清新菜式，會開胃D。所以近排多咗食越南菜，有朋友介紹我界限街嘅火五，話有水準之餘仲好抵食。週日同朋友嚟到，環境比我想像中更企理整潔，裝修得幾清新，有點田園風。嚟到一定要試下火車頭越南湯河，裏面有生熟牛肉，扎肉，牛丸，湯底牛肉味濃郁，河粉滑溜，果然係招牌。朋友揀咗日式嘅炭燒鰻魚飯，估唔到餐廳都有日本菜式喎。另外仲有小食香茅雞翼，好入味，外脆內嫩。仲有個豬頸肉沙律，最鍾意食青木瓜沙律，青木瓜絲夠爽，撈少少檬汁食，又健康又開胃💗💗