新記雞粥 (筲箕灣道)

營業中

休息中

一早㩒咗外賣，準時到達自取。入到舖，企喺門口五分鐘，完全冇人理，全部人只顧自己低頭做自己嘢，如果我抬走部收銀機，應該都唔會有人理。我就諗住自己搵自己袋外賣拎走就算，但一拎起就發覺唔對路，明明㩒咗兩碗麵一碗粥一飯一腸粉，但就數到只得四盒嘢。我特登喝醒個櫃面，問佢係咪已經齊晒，佢諗都唔駛諗，睇都唔駛睇，就即刻答話齊。我話唔啱數問佢點解釋，佢先至肯拎返袋外賣入去，跟住就好爽快咁擺返盒蝦腸落去。仲未完，返到屋企仔細睇，原來又唔俾鼓油，逼食齋腸，而且只有一對筷子三隻羹，梗係覺得係一個人食兩碗麵一盒腸囉。仲未只，腸粉每條只有一隻蝦置中，而且仲係涷晒，質素拙劣！唔好同我講生意忙手腳亂，為何從來只會有俾少無俾多，想博人唔check唔追就據為己有自己慢慢嘆，一俾人發現至即刻攞返出嚟，擺明搵笨想呃錢囉！