1
去到又真係唔洗排隊，仲有幾多空位。餐廳佈置到好靚，天花吊滿乾花，充滿住薰衣草既香味。服務員全部都係外國人，服務無話有咩特別，無話特別熱情，你叫佢咪黎囉。
野食方面叫左牛肉漢堡配薯條。牛肉漢堡上碟已經幫你切開左一半，茄汁亦預備好哂，好貼心。牛肉我地叫左五成熟，外面烤到有少少濃濃地，入面充滿肉汁，牛肉仲見有粉紅色，麵包亦都有烤過，外脆內軟。幼薯條炸到金黃色，熱氣之選！
1
另外叫左buffalo wings。雞翼好細隻，buffalo wings個醬咁濃味，但雞翼無乜肉，好似淨係食到醬，咁食法好鹹，唔洗試。
飲品方面叫左一杯cocktail Mademoiselle Lilly. 酒味唔濃，都幾甜，幾昜入口既。另外再叫左杯cafe latte。
我見好多人都寫食到一肚氣，食個tea平平地都可以一試！
