更多
2018-03-16
9481 瀏覽
友人飯局約成日期已經成功左一半, 最頭痛部份應該係諗食咩?! 每次諗到頭爆嘅時候, 放題總會救到一命!呢間地點方便, 最貴時段價錢都係每位$238, 任飲任食2個鐘, 各人胃口已經ready!飲品有各式汔水/果汁, 烏龍茶等, 自己出去任意拎!放題要回本, 總離不開佢嘅刺身, 呢度種類多達成十款, 連象拔蚌及白鳥貝都有! 三文魚, 鯛魚呢D仲要係厚切, 驚你唔夠口感(哈....), 甜蝦算大隻, 仲要已去埋尾, 食時夠晒方便! 壽司種類亦夠多, 卷物/手卷亦有, 每件細細件唔怕食幾件已飽肚, 佢嘅火灸蟹棒壽司好味喎, 原條巨型蟹棒, 大過舊飯!呢度仲有蒸氣鍋, 食材有蜆, 帶子, 章魚花, 蝦, 菜, 金菇, 南瓜, 鷄肉, 肥牛, 烏賊等, 唔多食生嘢嘅友人可以食呢D! 保證熱辣辣又無油, 健康之選!呢客芝士焗帶子, 帶子雖然唔大粒, 但被軟滑芝士醬汁包住, 味道唔錯, 難怪見隔離枱都不斷咁加單!天婦羅時間出場, 有炸蝦, 紫薯粒, 蟹柳及魚柳, 熱辣辣上枱, 炸漿唔厚無食到一口粉, 點D天婦羅汁一齊食仲好味!酒類呢度都有, 冰凍梅酒用黎送天婦羅就岩數啦!芽菜我鍾意食, 呢度
呢間地點方便, 最貴時段價錢都係每位$238, 任飲任食2個鐘, 各人胃口已經ready!
飲品有各式汔水/果汁, 烏龍茶等, 自己出去任意拎!
放題要回本, 總離不開佢嘅刺身, 呢度種類多達成十款, 連象拔蚌及白鳥貝都有! 三文魚, 鯛魚呢D仲要係厚切, 驚你唔夠口感(哈....), 甜蝦算大隻, 仲要已去埋尾, 食時夠晒方便!
209 瀏覽
0 讚好
0 留言
壽司種類亦夠多, 卷物/手卷亦有, 每件細細件唔怕食幾件已飽肚, 佢嘅火灸蟹棒壽司好味喎, 原條巨型蟹棒, 大過舊飯!
147 瀏覽
0 讚好
0 留言
呢度仲有蒸氣鍋, 食材有蜆, 帶子, 章魚花, 蝦, 菜, 金菇, 南瓜, 鷄肉, 肥牛, 烏賊等, 唔多食生嘢嘅友人可以食呢D! 保證熱辣辣又無油, 健康之選!
138 瀏覽
0 讚好
0 留言
呢客芝士焗帶子, 帶子雖然唔大粒, 但被軟滑芝士醬汁包住, 味道唔錯, 難怪見隔離枱都不斷咁加單!
114 瀏覽
0 讚好
0 留言
天婦羅時間出場, 有炸蝦, 紫薯粒, 蟹柳及魚柳, 熱辣辣上枱, 炸漿唔厚無食到一口粉, 點D天婦羅汁一齊食仲好味!
68 瀏覽
0 讚好
0 留言
酒類呢度都有, 冰凍梅酒用黎送天婦羅就岩數啦!
57 瀏覽
0 讚好
0 留言
芽菜我鍾意食, 呢度嘅炒芽菜妙得夠爽口又保持到水份, 落埋黑椒一齊炒仲惹味, 面頭灑上紅薑絲加添香辣味! 正!
46 瀏覽
0 讚好
0 留言
友人中有人一定要有澱粉質落肚, 係拉麵/烏冬/酸辣粉/鰻魚炒飯中, 佢選擇呢碗稻庭烏冬, 熱湯夠晒熱, 但味道偏甜, 烏冬口感順滑, 簡簡單單以紫菜及蔥粒作伴食, 都唔錯!
36 瀏覽
0 讚好
0 留言
係第二度食炸芝士年糕, 3件都要廿幾蚊, 呢度就任叫, 我地當然唔客氣啦, 外皮脆身得黎又有少少煙韌, 年糕入面包住軟滑芝士, 真係好"芝"味; 仲有佢嘅紫薯球都香甜味美, 作為甜品都係上選!
34 瀏覽
0 讚好
0 留言
仲有雪糕杯/雪米糍及奶凍, 好似勢要"加大"你腰胃吋數先準你走................哈哈!!
張貼
