茶里 (千色匯) (已結業)

新品優惠時段最後一段，十蚊一杯俾我趕到去買，兩款中以小芋圓蜜桃烏龍奶茶較特別，係用蜜桃烏龍茶底，飲落其實無甚麼特別感覺，係有小小果汁嘅甜味，但唔講都唔知係蜜桃味，主要係果糖同奶嘅甜，飲唔到烏龍茶，小芋圓無味，囗感同珍珠無分別，顏色太白反而令觀感怪怪，甜度同冰都無得調整，甜度可接受，但冰太多令味道遍淡，難怪大部分人都選正山小種茶底。優惠確有寫明500cc，但廣告上嘅杯同實物未免太大分別吧？最近各大手搖茶店都陸續做優惠，相信今年夏天會繼續有得飲。