Noodies (已結業)

上次食過後感覺不錯，睇到佢地好評如潮又再來試吓。今次來要排隊啦，不過山長水遠落到來冇理由唔等掛？等咗10分鐘終於可以食啦！！😃佢地原來加咗好多新面呀，有幾種面未喺出面見過。我叫咗個日本素面 +10 配星星魚蛋同肥牛 +6 ，湯要冬蔭+5 （結帳共HKD 67 ），店員介紹佢哋嘅素面喺日本四国入口，個面似udon咁滑，但幼身圓型，面有麥味，食得出係貴野加10大元算ok啦，如果銅鑼灣除時收你100元碗。星星魚蛋係oden(關東煮）的一種，放喺面入面幾得意，不過味一般啦，肥牛吸湯入味，牛肉味幾重，好食！湯底有進步，冬蔭海鮮味加重咗，落多咗lemon juice, 食落比上幾次好食，唯一不好係唔夠spicy要自己加。總结：餸ok,面種類豐富quality非常满意，湯有進步實在驚喜，下次一定來試下溝兩種面食。小店加油啊！