潮丸 (已結業)

自己係半個潮州人，自然對潮州嘅美食有額外嘅感覺。特別係每一次食到懷念嘅味道嘅時候，個感覺真係非常之開心。因為尖沙咀呢都唔會搵到傳統嘅風味，但係畢竟想食牛河，所以就入咗去試一試，但係估唔到佢有幾正宗。佢除咗會有牛雜之外仲會有豬什，所以我今次就食咗比較特別嘅豬什，入邊會有豬腩肉，豬札肉同豬肉丸。湯底清甜，加上芹菜香菜同埋冬菜，傳統的潮州風味。呢一疊牛爽邊係好突出嘅一個食物，佢主要係牛比較爽脆嘅位置，亦有牛小腸的脂肪感。最重要係佢個汁唔好見佢個顏色好似好濃就會鹹，拒調製到剛剛好，濃郁嘅牛香，醬汁香，如果可以撈埋個飯一齊食個話就非常之好。