更多
2019-05-26
4026 瀏覽
係工廠入面搵到驚喜，是日去左荔枝角嘅D2 Place 行下街，行完街街本身諗住去億利工業大廈食一間台灣野，但上Openrice時見到Ulyssa by Aldou呢間西餐評價好似幾唔錯，女人作為善變嘅動物，決定轉移陣地去呢間西餐廳度試試。入到餐廳，餐桌整整齊齊咁排列，周圍有唔少吊飾去做佈署，好有格調，俾人一種舒服放鬆嘅感覺。呢度嘅員工好有禮貌同親切，除左俾餐牌我地之餘，仲會同我地介紹有咩主打，有咩推介野食，我地最後簡左三樣野食，分別係：煙三文魚牛油果藜麥沙律、寶雲酥波士頓龍蝦意粉 同 低溫慢煮燒美國牛胸肉配燒汁。煙三文魚牛油果藜麥沙律 ($88)賣相非常唔錯嘅一道菜，入面有生菜、車厘茄、牛油果、沙律菜、煙三文魚等，沙律材料都幾新鮮，唔需太多醬汁，少少嘅檸檬 同 醋，拌埋一齊食，係道非常開胃的前菜。寶雲酥波士頓龍蝦意粉 ($168)大大隻開邊嘅龍蝦舉哂腳咁黎到我地面前，仲有2皮餅乾條係伴碟，旁人見到都忍唔住望多幾眼，未食排場先震一震下人，哈哈！龍蝦上面放滿左金蒜粒，之後再拎去焗，龍蝦肉帶有濃郁嘅蒜香味。意粉口感軟硬適中，醬汁方面用左好多車厘茄而整成，酸酸甜甜好夠味，我地起哂佢嘅肉再同個意
係工廠入面搵到驚喜，是日去左荔枝角嘅D2 Place 行下街，行完街街本身諗住去億利工業大廈食一間台灣野，但上Openrice時見到Ulyssa by Aldou呢間西餐評價好似幾唔錯，女人作為善變嘅動物，決定轉移陣地去呢間西餐廳度試試。
入到餐廳，餐桌整整齊齊咁排列，周圍有唔少吊飾去做佈署，好有格調，俾人一種舒服放鬆嘅感覺。呢度嘅員工好有禮貌同親切，除左俾餐牌我地之餘，仲會同我地介紹有咩主打，有咩推介野食，我地最後簡左三樣野食，分別係：煙三文魚牛油果藜麥沙律、寶雲酥波士頓龍蝦意粉 同 低溫慢煮燒美國牛胸肉配燒汁。
煙三文魚牛油果藜麥沙律 ($88)
賣相非常唔錯嘅一道菜，入面有生菜、車厘茄、牛油果、沙律菜、煙三文魚等，沙律材料都幾新鮮，唔需太多醬汁，少少嘅檸檬 同 醋，拌埋一齊食，係道非常開胃的前菜。
寶雲酥波士頓龍蝦意粉 ($168)
大大隻開邊嘅龍蝦舉哂腳咁黎到我地面前，仲有2皮餅乾條係伴碟，旁人見到都忍唔住望多幾眼，未食排場先震一震下人，哈哈！龍蝦上面放滿左金蒜粒，之後再拎去焗，龍蝦肉帶有濃郁嘅蒜香味。意粉口感軟硬適中，醬汁方面用左好多車厘茄而整成，酸酸甜甜好夠味，我地起哂佢嘅肉再同個意炒拌埋一齊食，啖啖肉而又爽口彈牙絕配，配合起黎好香口有好食。
低溫慢煮燒美國牛胸肉配燒汁
十大推介，好好味，熟度岩岩好，牛胸肉一向係我至愛，呢個部位好有牛味，就算連燒汁一齊食，都唔會遮蓋左牛本身既味道，佢呢到抵讚既係連配菜都整得好好味，都好有心咁輕輕炒過，另外再加左小小香草去調味，更有好味，有層次。如果你枇再食得濃味D的話，可以再點埋旁謗嘅特製芥茉醬食添。
餐廳整體體驗非常唔錯，無論環境、服務同食物素質都係水準之上，有心做而有返咁上下質素嘅食肆真係買少見少，呢個餐廳值得支持！
張貼
