The Stadium (已結業)

之前食依間覺得唔錯，估唔到最近執咗，唯有到觀塘嘅時候睇下佢。我哋個陣想食下西餐，喺銅鑼灣行行下買嘢飲就見到依間樓上舖，朋友話觀塘個間佢食過都唔錯，我哋就上咗去試試。點咗酒先，我嗌咗deadman，朋友嗌咗調酒，兩個都幾滿意，特別我個杯都係我最喜歡嘅酸酸甜甜，好快就飲完。nacho，有三款醬三款都好食，仲有墨西哥辣椒，唔同顏色嘅nacho上面有融咗嘅芝士，香脆可口。燒春雞都幾香，皮燒得微脆，肉嫩，配菜都豐富，除咗有薯角之外仲有燒茄子同瓜類，十分有誠意。最後係依個牛面頰肉，醬汁惹味香濃，面頰肉口感獨特，略為有少少乾，咬落有好重嘅膠質同肉香。